Di mundial cunter drogas

Il di datti dapi l'onn 1987. L'ONU nizzegia quel per far attent sin las consequenzas dal consum da drogas. Oz han els publitgà ina nova versiun dal rapport mundial da drogas.

Maletg da simbol.
Legenda da maletgs: Maletg da simbol. Keystone

271 milliuns persunas han l'onn 2017 prendì drogas, quai tenor il rapport da l'ONU. Anc mai han uschè bleras persunas consumà drogas. Congualà cun l'onn 2009 è quai in plus da bunamain 30%. Ni ditg auter: 5,5% da la populaziun mundiala ha consumà drogas l'onn 2017.


Era la producziun da tschertas drogas è s'augmentada. L'onn 2017 è per exempel vegnì producì enturn 2'000 tonnas cocain. Quai è 25% dapli sco anc l'onn avant. La producziun da opium sco era da drogas da designer èn percunter idas enavos.

Autur/a: Flurin Clalüna