Dis-chaun

Oz cumenzan ils dis-chaun, ils pli chauds dis da l'entir onn. Il num han els survegnì dals Egipzians. L'entschatta marchescha l'emprim di ch'ins veseva la staila Sirius en la constellaziun dal chaun grond.

Legenda da maletgs: Keystone

Per ils Egipzians muntavan ils dis-chaun in temp fritgaivel. Ils Grecs empruvavan da medegiar malsognas dal fel. Ed ils Romans vesevan quest temp sco nausch, perquai che la mar era chauda, il vin asch e la glieud vegniva malsauna.

Ina regla da purs d'ozendi manegia: Bels dis-chaun, in bun onn enta maun.

Autur/a: Angela Hendry