E-Sight – egliers che dattan als tschorvs la vesida

E-Sight è in mix da camera, computer ed egliers. Cun quella duessan quels che vesan bunamain nagut puspè survegnir ina buna survista.

Legenda da maletgs: time.com

Ils egliers electronics funcziunan sumegliant sco ina camera. Ina lenta prenda si il purtret, moniturs da super-auta qualitad mussan en temp real il maletg a la persuna. Cun in apparat da telecumond po ins vinavant manischar il zoom.

Bunamain 10'000 francs custa ina E-Sight, var 20 Svizzers portan gia ina da quellas. Ils producents èn persvas che l'apparat gida d'integrar persunas en il mund da lavur.

Autur/a: Flurin Clalüna