EFTA - Associaziun europeica da commerzi liber

EFTA è la scursanida per l'Associaziun europeica da commerzi liber. L'associaziun vul promover la collavuraziun economica dals pajais che fan part da l'associaziun. Vul dir quels pajais che sun da la partida pon far affars ensemen senza grondas barrieras.

A l'EFTA fan part la Svizra, il Danemarc, la Islanda ed il Liechtenstein
Legenda da maletgs: A l'EFTA fan part la Svizra, il Danemarc, la Islanda ed il Liechtenstein

A l'EFTA fan part la Svizra, il Principadi da Liechtenstein, l'Islanda e la Norvegia. Quai sun tut pajais che na fan betg part da l'Uniun europeica UE. L'EFTA é il cuntrapais dal spazi economic da l'UE.

La Gronda Britannia e l'EFTA
Fin da l'onn 1973 era la Gronda Britannia commembra da l'EFTA. Cun entrar en l'UE è la Gronda Britannia extrada da l'EFTA. Cun quai aveva l'associaziun pers impurtanza. Causa il Brexit savess quai esser che la Gronda Britannia vegniss puspè commembra da l'EFTA. Sche quai fiss il cas vegniss l'associaziun puspè pli impurtanta.

Autur/a: RTR/fc/ij