Emprim'emprova refusada

Cun 67 pertschient da las vuschs han ils umens svizzers refusà il dretg da votar per las dunnas avant precis 60 onns, il 1. da favrer dal 1959. Il medem di ha il chantun Vad però introducì il dretg da votar per las dunnas.

Placat «Gea» da la Centrala da Dunnas 1970
Legenda da maletgs: Placat «Gea» da la Centrala da Dunnas 1970 archiv chantunal grischun

Il dretg da votar per las dunnas sin basa naziunala è vegnì introducì ils 7 da favrer dal 1971. Enfin che tut ils chantuns da la Svizra èn stads uschè lunsch, èn dentant passads 20 onns. Sco davos chantun ha l'Appenzell Dadens introducì il dretg dad ir a l'urna per las dunnas, quai l'avrigl da l'onn 1990.

Autur/a: Gaby Degonda