«Fear» – la tema da las decisiuns da Trump

Il schurnalist d'investigaziun american Bob Woodward ha preschentà in nov cudesch – in cudesch sur dal president american Donald Trump e sia lavur.

La cuverta dal cudesch da Bob Woodward.
Legenda da maletgs: ha num il cudesch da Bob Woodward. Keystone

Il cudesch ha num «Fear». I na va dentant betg per la temma da Trump mabain per la tema che bundant 100 collavuraturs han exprimì: Els han tema ch'il president american actual dà cumonds che pericliteschan la segirezza dals Stadis Unids u perfin da l'entir mund.

President Trump percunter dementescha tut las istorgias e pretenda che tut saja ina manzegna. Tuttina n'è ses contrahent, l'autur Bob Woodward, betg be ix in schurnalist. Woodward è in da quels dus ch'aveva procurà cun la publicaziun da l'affera Watergate per la fin da l'era dad in auter president american, da Richard Nixon.

Autur/a: Natalia Murtas