Festivar il di internaziunal da las dunnas

Dapi 108 onns datti il di mundial da las dunnas. L'emprim per cumbatter per il dretg da vuschar, ozendi per reducir inegualitad tranter um e dunna. Il di vegn festivà a moda differenta sin l'entir mund.

Legenda da maletgs: Keystone

En Russia vegn regalà tschigulatta, parfum e bischutaria, en Germania neglas cotschnas ed en l'Italia simboliseschan mimosas melnas la liberaziun da las dunnas da la suppressiun dals umens. Avant in onn èn bunamain 6 milliuns dunnas idas sin via per demonstrar e far chauma. E demonstraziuns hai era dà en la Tirchia, en l'Irak, en l'India ed a Jerusalem. Demonstraziuns per dapli egualitad ed encunter violenza sexuala.

Autur/a: Angela Hendry