Festivus

«Festivus» è ina festa alternativa avant la festa da Nadal. Ella vegn celebrada en ils Stadis Unids ils 23 da december.

Ina stanga è l'object da simbol per ils aderents da «Festivus».
Legenda da maletgs: Ina stanga è l'object da simbol per ils aderents da «Festivus». RTR, Selina Chistell

En parts dals Stadis Unids vegn festivà il di avant la Vigilgia da Nadal la festa «Festivus». Ina festa alternativa tar Nadal che crititgescha il commerzi ed aspects religius da Nadal. Enstagl d'in pignol da Nadal èsi tar «Festivus» tradiziun da metter si ina stanga d'aluminium. Plinavant vegn la famiglia ensemen ed enstagl da giudair ensemen in bun temp han els la pussaivladad da sa vilentar in sur da l'auter e dir quai che n'ha betg plaschì ad els.

«Festivus» è ina parodia da la festa da Nadal è vegn cunzunt pratitgada da giuvens gidieus en l'America. L'idea deriva ord ina seria da televisiun dals onns novanta. En questa seria vegniva festivà sin questa moda.

Autur/a: Selina Chistell