Filters da café da Melitta Bentz

Melitta Bentz na pudeva betg avair ch'il fundagl restava adina en il café, uschia ha ella in bel di da l'onn 1908 engulà il palpiri da tolcas or dals carnets da scola da ses figls, fatg cun ina gutta rusnas en ina conserva ed uschia inventà il filter da café.

Il filter per il café - ina invenziun da la tudestga Melitta Bentz.
Legenda da maletgs: Il filter per il café - ina invenziun da la tudestga Melitta Bentz. keystone

Paucs mais pli tard ha ella laschà registrar sia firma en il register da commerzi cun capital agen da 73 fennics. Quai è sta l'entschatta d'ina interpresa che ha entant passa 4'200 collavuraturs, sedias en l'America, en il Canada ed en Brasilia sco er ina svieuta da 1,45 milliardas euros (l'onn 2016).