François Fillon - sin via vers il Palace Elysée

La partida conservativa franzosa ha elegì François Fillon sco candidat uffizial per la candidatura e post da presidi da la Frantscha.

François Fillon è elegì sco candidat per il presidi da la Frantscha
Legenda da maletgs: Franoise Fillon engrazia per l'elecziun sco candidat. keystone

François Fillon ha guadagnà la cursa encunter Nicolas Sarkozy ed era encunter Alain Juppé. Il candidat consevativ daventa uschia rival da la populista da dretga Marine Le Pen.

L'um da 62 onns ha persvadì cun ses program da refurma economica radical. Tranter auter vul el abolir l'emna da 35 uras e stritgar mez milliun plazzas da funcziunaris. Las elecziuns per il presidi da la «grand nation» èn il matg 2017.

Autur/a: Gaby Degonda