Gerhard Berger

Gerhard Berger, ina legenda da furmla 1, festivescha ses 60avel anniversari. Durant sia carriera ha el gudagnà 10 cursas ed è stà duas giadas terz da la cuppa mundiala.

-
Legenda da maletgs: Keystone Gerhard Berger festivescha 60 onns.

Dal 1984 enfin il 1997 è Gerhard Berger ì cursas da furmla 1. 210 cursas ha el fatg en sia carriera. El è ì per ATS, McLaren, Benetton e Ferrari. Gerhard Berger è stà il davos manischunz da furmla 1 che è vegnì elegì da Enzo Ferrari. Suenter sia carriera da furmla 1 è Berger stà directur da sport motorisà tar BMW enfin l'onn 2003. Oz maina Berger ina fatschenta da spediziun.

Autur/a: Anna Selina Quinter