Gieu auditiv «The War of the Worlds»

Oz avant 80 onns ha l'emettur da radio CBS emess in gieu auditiv che raquinta davart marsians ch'arrivan sin terra. Igl è stà il cumenzament da «fake news».

Orson Welles ha registrà quest gieu auditiv.
Legenda da maletgs: Orson Welles ha registrà quest gieu auditiv. Keystone

Grondas gasettas sco la «New York Times» u il «Boston Dailiy Globe» han rapportà il di suenter che tschients millis Americans hajan survegnì panica suenter l'emissiun dal gieu auditiv. Quai pervia ch'els n'eran betg vegnids a savair, ch'i sa tractia dad in'istorgia fictiva.


L'istoricher Brad Schwartz ha intercurrì il cas. El vegn tar la conclusiun ch'i n'haja dà nagina panica ils 30 d'october 1938. Quai saja stà «fake news» da las gasettas.

Autur/a: Gian Carlo Candinas