Gieus olimpics 2018: Il team neutral

169 atlets van quest onn sut la bandiera neutrala als gieus olimpics. En il team neutral èn atlets ed atletas da pajais ch'èn vegnids exclus. Quest onn èn quai surtut atlets da la Russia. Quella è vegnida exclusa perquai che quest stadi ha dopà sistematicamain ses atlets.

La bandiera uffiziala serva era sco bandiera neutrala.
Legenda da maletgs: La bandiera uffiziala serva era sco bandiera neutrala. Flickr

Dapi l'onn 1992 datti il team neutral. E dapi lura datti adina puspè in team neutral, per il solit cun 6 fin 7 atlets ed atletas. Lur bandiera èn ils 5 rintgs, il simbol uffizial dals Gieus olimpics. Cur ch'in da quels atlets u da quellas atletas gudogna, vegn sunà u chantà l'imni olimpic uffizial.

Autur/a: Flurin Clalüna