Gieus olimpics 2018: Soohorang e Bandabi

Els èn ils mascottins uffizials dals gieus a Pyeongchang. Soohorang, il tigher, simbolisescha forza, protecziun e confidenza. La colur alva munta la naiv. Bandabi, l'urs nair, stat per ils gieus paralimpics e munta curaschi, resolutezza ed ina ferma voluntad.

Legenda da maletgs: Reuters

L'emprim mascottin uffizial dals gieus olimpics insumma era dal rest «Waldi». Il basset era il simbol uffizial tar ils gieus da stad dal 1972 a Minca. Dapi lura tutga il mascottin tar ils gieus olimpics sco las medaglias.

Sper la simbolica èn ils mascottins però surtut in simbol da marketing. Cun t-shirts, animals da plisch u cun placats fan ils organisaturs bunamain dapli svieuta che cun vender bigliets.

Autur/a: Flurin Clalüna