Götz George alias «Schimanski» è mort

Götz George l'actur da caracter tudestg è mort cun 77 onns. El è daventà famus sco cumissari Horst Schimanski en la seria «Tatort».

Götz George è mort
Legenda da maletgs: Götz George è mort cun 77 onns. keystone

L'onn 2007 è Götz George vegnì undrà cun il premi da la Televisiun Tudestga per sia ovra da vita.
Sper las 48 ediziuns sco cumissari Horst Schimanski en las serias da «Tatort» ha Götz George era agiu sco actur principal en differents films da la televisiun tudestga.
Sia vita privata e quella da sia famiglia ha el adina tenì dascus per schanegiar la sfera privata. Uschia n'è il vair motiv da sia mort betg enconuschent.