Hecht

Ella è stada il highlight dal 35avel open air Lumnezia, la band Hecht da Lucerna. La glieud era fullanada avant la tribuna ed ella ha chantà euforisada las chanzuns da la band svizra.

Legenda da maletgs: RTR/ Oceana Galmarini

La band sa cumpona da sis amis che fan ensemen musica. Dasperas lavuran els tschient pertschient per exempel sco banchier, scolast, inschigner da construcziun da maschinas e geograf. Uschia na stoppian els betg far musica per ils daners, uschia dastgian els far musica per il plaschair.


La band ha talmain success perquai ch'ella è vardaivla e simpatica. Ils texts èn simpels, cun pitschnas observaziuns precisas dal mintgadi ch'il public sa chantar. E natiralmain laschan ils texts svizzer-tudestgs tiers emoziuns ed ina colliaziun tranter band e public.

Autur/a: Angela Hendry