«Hofburg» a Vienna

Oz elegia l'Austria in nov president, igl è in cumbat péz a cup tranter Norbert Hofer ed Alexander Van der Bellen. En mintga cas: Il victur po sa legrar sin in bel biro. Il president da l'Austria ha numnadamain sia sedia en la «Hofburg», l'anteriura residenza imperiala.

Il biro dal president da l'Austria è en la "Hofburg" a Vienna
Legenda da maletgs: Il biro dal president da l'Austria è en la "Hofburg" a Vienna keystone

La Hofburg a Vienna è stada davent dal 13avel tschientaner enfin l'onn 1918 la residenza dals imperaturs. Davent da l'onn 1945 è là er la sedia dal president da la confederaziun austriaca. Er l'uffizi per monuments, ils ministers da l'uffizi da chanzlia ubain il secretariat dal stadi han lur biros en la Hofburg.

Dasperas è era ina gronda part da la biblioteca naziunala, numerus museums, salas da conzert ubain salas pompusas sco la sala da ceremonias en il cumplex d'edifizis. Er la renumada «Spanische Hofreitschule» è ina part da la Hofburg.

Autur/a: RTR/sb