Homo luzonensis

Perscrutaders han chattà ina nova spezia da l'uman: il homo luzonensis. Ina spezia da l'uman che viveva avant bun 50'000 onns. La scuverta è vegnida fatga sin las Filippinas sin l'insla Luzon. 

-
Legenda da maletgs: L'ossa dal homo luzonensis. Keystone

Il homo luzonensis viveva avant rodund 50'000 onns. El è vegnì chattà sin las Filippinas sin la insla Luzon. La scuverta sustegn la teoria ch'il homo erectus n'è betg la unica spezia ch'è emigrada da l'Africa. Tenor ils perscrutaders era il homo luzonensis in bun raivider. El gieva sidretg ed era circa 1,20 meters grond. Vinavant van ils perscrutaders da quai anora ch'il homo luzonensis duvrava guaffens. Co il homo luzonensis è arrivà sin las Filippinas n'è betg cler.

Il mument èn sur 20 uschenumnads Hominis enconuschents. Survivì ha dentant mo in sulet il homo sapiens.

Autur/a: Anna Selina Quinter