Iglu

La blera naiv ha intimà blers uffants da fabritgar iglus, chasets e taunas da naiv. Iglu è il pled dals Inuit per lur abitadis.

In iglu da naiv fabritgà a la moda dals Inuit
Legenda da maletgs: In iglu da naiv fabritgà a la moda dals Inuit. COLOURBOX

Ils iglus dals Inuit, dals Eskimos che vivan en las regiuns polaras en il nord pon esser da naiv, da crap, da turba u er da lain. Iglus da naiv construeschan ils Inuit per abitadis provisorics durant la chatscha u lur viadis tras la naiv ed il glatsch.

Ils iglus da naiv èn cuplas fabritgadas ord quaders da naiv. Sche la naiv na lubescha betg da tagliar quaders, lura chavan ils Inuit taunas en mantuns da naiv.

L'iglu protegia ils chatschaders dal vent e da las fradaglias arcticas. Cun il chaud dals corps sa stgauda l'intern da l'iglu fin a 0 grads e lubescha da star sur notg.

Autur/a: Marionna Lombriser