Il 2016 - in super onn en la scienza

L'onn 2016 ha purtà scuvertas impurtantas e resultats revoluziunars en la scienza.

Astronoms han scuvert il planet Proxima b
Legenda da maletgs: Astronoms han scuvert il planet Proxima b. REUTERS

Il magazin Science ha publitgà ina glista top ten cun las diesch scuvertas dal 2016 che pudessan influenzar marcantamain il futur. Tranter quellas la scuverta dal planet Proxima b che gira enturn la staila Proxima Centauri. Proxima b è il planet d'in auter sistem stellar che sa chatta il pli datiers da nossa terra. Il 2016 han resultats dad experiments cun mieurs er sveglià la speranza per terapias cunter malsognas da vegliadetgna sco arteriosclerosa u artritis.

Autur/a: Marionna Lombriser