Il bogn da guaud
- Mesemna, 10.10.2018, 8:40
Termins da l'emissiun
-
Emprima emissiun:
- Mesemna, 10.10.2018, 8:40, RTR
En cas da stress, depressiuns e squitsch prescrivan medis giapunais gia dapi ils onns 80 terapias da bogns en il guaud. Quai èn visitas en il guaud nua ch'ins percepescha il guaud cun tut ils senns. Uss è questa metoda er arrivada en Svizra.
Legenda da maletgs:
Er respirar, savurar e sentir il guaud fa part da la furma da terapia giapunaisa.
Keystone
Cun scuvrir il guaud da moda concsienta e cun tut ils senns duessan persunas stressadas puspè chattar ruaus. Plinavant duain quellas visitas er quietar la gnerva e rinforzar il sistem d'immun. Er en Svizra datti uss aderents da la furma da terapia ch'è oriunda dal Giapun. En il Giapun èn bogns da guaud schizun renconuschids da cassas da malsauns e fitg populars.