Il Brexit en 7 pass - Co funcziuna l'extrada ord l'UE?

Gievgia ils 23 da zercladur decidan passa 46 milliuns burgais da la Gronda Britannia sch'els lessan star en l'Uniun europeica ubain sortir. Dentant simplamain decider e sortir, quai na va betg.

Bandiera da l'UE e da la Gronda Britannia
Legenda da maletgs: Bandiera da l'UE e da la Gronda Britannia Keystone

Suenter la decisiun èn l'Uniun europeica e la terra che vul sortir obligadas da contrahar davart la relaziun futura, ils dretgs dals burgais eav. Finamira è d'avair a la fin in contract cun il consentiment d'omaduas partidas.

Plinavant sto quai contract avair il consentiment dad almain 20 terras en il parlament europeic e quellas ston represchentar almain 65% da la populaziun da l'UE.

Sch'i na vegn betg ad ina cunvegna, sorta la terra automaticamain da l'UE 2 onns suenter ch'ella ha communitgà la decisiun. Fin che la terra sorta definitivamain pon ils politichers e parlamentaris sa participar u lavurar vinanvant en lur posts.

Autur/a: RTR/ggf