Il ciclon «Kenneth»

Il ciclon «Kenneth» ha destruì parts dal Mosambic ils davos dis. Il venderdi ha il stemprà tutgà il nord dal pajais. Be sis emnas pli baud aveva il ciclon «Idai» tutgà il Mosambic.

-
Legenda da maletgs: Il ciclon Kenneth ha destruì entirs vitgs. Keystone

«Kenneth» ha tutgà il nord dal Mosambic il venderdi passà. Il ciclon aveva ina fermezza cun vents da 300 kilometers per ura. Tenor la regenza èn 168'000 persunas avisadas sin agid. Quantas persunas ch'èn dentant propi pertutgadas è grev d'eruir. La daratga dsls proxims dis ha consequenzas severas. Gia uss datti inundaziuns en la regiun pertutgada. Pervia da la daratga n'èsi betg pussibel da sgular cun provediment en ils lieus pertutgads. Las Naziuns unidas sco era l'Uniun europeica sustegnan finanzialmain il pajais.

Autur/a: Anna Selina Quinter