Il di dal latg da pausa

Oz datti ina purziun latg per passa 330'000 uffants en las scolas, scolinas e canortas da la Svizra.

Ina purziun latg è ina bavronda sanadaivla da pausa
Legenda da maletgs: Ina purziun latg è ina bavronda sanadaivla da pausa. KEYSTONE

Swissmilk e l'organisaziun svizra da las puras e da las dunnas da la champagna offreschan oz il latg da pausa a 40 pertschient dals uffants en las scolas da la Svizra. Propagar il latg sco bavronda sanadaivla è l'intent da l'acziun.


Latg cuntegnia il vitamin da patratgar B2 che tegnia fit il chau, vitiers numerusas substanzas alimentaras impurtantas per restar saun e bler calzium ch'ils uffants dovran per crescher.

Autur/a: Marionna Lombriser