Il di mundial da l'aura

Oz è il di mundial da la meteorologia. Quai di duai regurdar vi da la lavur da l'organisaziun mundiala da l'aura.

-
Legenda da maletgs: Oz è il di mundial da l'aura. Pixabay

Quest onn stat il di da l'aura sut il motto: il sulegl, il mund e l'aura. L'organisaziun mundiala da l'aura è vegnida fundada uffizialmain l'onn 1950. Gia avant devi dentant ina organisaziun meteorologica internaziunala. L'organisaziun ha creà il program «World Weather Watch». Quest program è vegnì creà sin incumbensa da las naziuns unidas d'intercurir il potenzial da satellits en connex cun las observaziuns da l'aura. Il program rimna e surveglia las observaziuns da l'aura sin l'entir mund.

Autur/a: Anna Selina Quinter