Il di mundial da la libertad da medias

Dapi il 1991 è ils 3 da matg il di mundial da la libertad da medias. In di per medias libras, pluralisticas ed independentas.

Ina demonstraziun en la Tirchia per la libertad da las medias
Legenda da maletgs: Ina demonstraziun en la Tirchia per la libertad da las medias Keystone

Proclamà il di ha l'assamblea generala da las Naziuns Unidas. Il di da la libertad da medias va enavos sin la uschènumnada declaraziun da Windhoek en la Namibia. La declaraziun punctuescha l'impurtanza da medias libras, pluralisticas ed independentas per societads democraticas. Il di mundial da la libertad da medias duai adina puspè render attent ch'i n'è en blers pajais er il 21avel tschentaner anc adina betg pussaivel da rapportar libramain sur da tut las tematicas. En la China èn p. ex. actualmain (avrigl 2016) passa 100 schurnalistas e schurnalists en praschun.

Autur/a: RTR/ggf