Il di naziunal dal futur

Oz ils 8 da november è il di naziunal dal futur. Il di duai porscher invista en las pli differentas professiuns a scolaras e scolars dal tschintg fin setavel onn da scola.

Dus spezialists da tgira dattan scleriment ad ina gruppa da mats
Legenda da maletgs: Dus spezialists da tgira dattan scleriment ad ina gruppa da mats. KEYSTONE

Il di naziunal dal futur datti dapi il 2001, lura ha il project cumenzà anc sco di da la figlia. Il di naziunal dal futur è ina iniziativa dals posts d'egualitad da divers chantuns e citads ed ha era il sustegn da las pli diversas associaziuns da professiun, interpresas u scolas autas.


Il di permetta als uffants d'avrir lur orizont ed uschia forsa eleger pli tard ina professiun ch'è er atipica per lur schlattaina, svegliar dapli interess tar las mattas per clamadas tecnicas per exempel, u fascinar ils mats per lavurs en il sectur social.

Autur/a: Marionna Lombriser