Il «Dübel» da Arthur Fischer

Arthur Fischer da Tumlingen è en ina lingia cun Thomas Alva Edison - cun passa 1100 patents tutga el tar ils pli productivs inventaders dal mund. El ha vivì dal 1919 enfil il 2016. Sia pli enconuschenta invenziun: il schinumnà Fischer-Dübel, per rumantsch, il darschun.

Arthur Fischer, l'inventader dal darschun.
Legenda da maletgs: Arthur Fischer, l'inventader dal darschun. keystone

Cumenzà ha el curt suenter la secunda guerra mundiala cun fundar sia firma da ina persuna - entant dumbra la firma passa 3900 conluvrers e fa ina svieuta da passa 600 milliuns euros per onn. Schon be en sia interpresa a Tumlingen vegnan producids per di passa 10 milliuns darschuns.