Il galdin

Oz è Thanksgiving e tar la festa americana tutga in galdin sin maisa. L'utschè da enfin 10 kilogramms vegn tradiziunalmain mangià cun sosa da cranberries, cun patats, zitga, arveglia, tirc e sco dessert turta da maila ubain da zitga.

Il galdin che vegn tradiziunalmain mangià da Thanksgiving.
Legenda da maletgs: Il galdin che vegn tradiziunalmain mangià da Thanksgiving. keystone

Per stagiun vegnan mangiads radund 70 milliuns galdins en l'America. E l'utschè vegn er avant cunzunt en l'America dal Nord. Schon per ils Indians era il galdin in impurtant animal. Betg be pervi da la charn, mabain els han era fatg diever da las plimas dal galdin per far vestgadira, ornaments ubain per metter sin ils paliets.

In galdin creschì or po vegnir enfin in meter auts e pesar enfin 10 kilos. La femella dal galdin è in zic pli pitschna. Ella paisa be 4 kilograms.

Autur/a: RTR/sb