Il «groundhog» fa prognosas da l'aura

Adina ils 2 da favrer è «Groundhog Day» en il Canada ed en ils Stadis Unids. Il groundhog sumeglia a nossa muntanella e viva gugent en taunas als urs dals guauds.

Il «groundhog» - in animal derasà en l'America dal Nord
Legenda da maletgs: Il «groundhog» - in animal derasà en l'America dal Nord. KEYSTONE

Ils groundhogs mesiran tranter 40 e 65 centimeters, paisan 2 fin 4 kilograms e sa nutreschan da pastg, ervas u fluras, er da scorsa u roma.

Ils 2 da favrer datti festa en il Canada ed en ils Stadis Unids cun ils groundhogs. L'animal vegn ord tauna. Sch'el vesa sia sumbriva, sch'i dat sulegl, lura cuzza l'enviern anc sis emnas. Sch'el na vesa betg sia sumbriva, è l'enviern passà per il groundhog ed el resta ordadora.

Autur/a: Marionna Lombriser