Il Lai Baical

Ernst Bromais, l'ambassadur da l'aua, vul nudar 600 kilometers tras il Lai Baical en Sibiria, in lai da la superlativa.

Il Lai Baical.
Legenda da maletgs: Il Lai Baical. Pixabay

Il Lai Balcal è enturn 630 kilometers lung e fin 80 kilometers lartg. El cuntegna 20% da las reservas d'aua dultscha dal mund. Cun quai è el in dals pli gronds lais dal mund. Vinavant è el sur 1'642 meters profund e tenor l'UNESCO 25 milliuns onns vegl.

En il lai en Sibiria vivan numerus animals. Dus terzs da quellas spezias d'animals e plantas sa chatta unicamain en il lai. En il lai viva vinavant l'unica foca che viva mo en l'aua dultscha.

Ils vitgs enturn il Lai Baical vegnan adina pli gronds magnets da turists. L'onn 2006 ha la regenza russa investì pliraas milliardas per la promoziun turistica. Dapi lura vegnan singuls vitgs bunamain assagliads da turists.

Autur/a: Flurin Clalüna