Il marsch Radetzky

L'encunuschent marsch da Radetzky è vegnì scrit en onur da Josef Wenzel Radetzky von Radetz. Il general austriac accumpliss oz ses 250avel anniversari.

Josef Wenzel Radetzky von Radetz 1766 - 1858
Legenda da maletgs: Josef Wenzel Radetzky von Radetz 1766 - 1858 Foto einer Originallithographie der Albertina (Wien), Peter Geymayer

Radetzky era in dals pli impurtants generals dal 19avel tschientaner. En Austria ina persunalitad fitg enconuschenta.

Radetzky ha tut sia vita servì al militar. El era envolvà en diversas battaglias. El è era quel che ha fatg ina gronda part vi da la strategia per la battaglia cunter Napoleun a Leipzig. La battaglia ha el era gudagnà.

Per sia carriera ha Radetzky survegnì en tut 146 urdens ed in Ritterkreuz. El ha perfin rut records en l'armada. Radetzky ha servì sut tschintg imperaturs e ha fatg part a 17 battaglias, uschè bler sco nagin avant el. Pir en la vegliadetgna da 90 onns ha el dà si ses servetsch suenter 72 onns.

Johann Strauss ha scrit il marsch da Rudetzky per onurar il general. I na dat dentant betg be il marsch da Rudetzky, er vias en differentas citads da l'Austria portan quest num ed ina statua da Radetzky pon ins vesair en il Heeresgeschichtliches Museum a Vienna. Là ha el perfin in'atgna sala - il Radetzkysaal.

Autur/a: RTR/fc