Il museum dal futur

Ils museums svizzers han mintg'onn enturn 20 milliuns visitaders. Els paran d'esser dumandads. Però er els ston studegiar vi da lur futur.

«Realitad virtuala» – ina pussaivladad per in museum dal futur.
Legenda da maletgs: «Realitad virtuala» – ina pussaivladad per in museum dal futur. Keystone

Tenor il biro da perscrutaziun tudestg «Zukunftsinstitut» sto il museum da l'avegnir porscher dapli che mo objects u maletgs. In museum duai tenor els esser dapli in lieu da scuntrada che mo in lieu per infurmaziuns.

Vinavant vegn la digitalisaziun ad esser in tema impurtant. Tenor la curatura dal museum da Berna Katharina Beisiegel, na vegn ina versiun digitala da la collecziun betg pli ad esser d'evitar. 

Autur/a: Flurin Clalüna