Il nov film ord l'univers da Harry Potter

«Phantastische Tierwesen und wo sie zu finden sind» è il titel dal nov film ord l'univers dal striun Harry Potter. L'istorgia gioga dentant bun 70 onns avant l'istorgia da Harry Potter. Tuttina è fitg bler sumegliant.

«Phantastische Tierwesen und wo sie zu finden sind» - il nov film dal univers da Harry Potter.
Legenda da maletgs: «Phantastische Tierwesen und wo sie zu finden sind» - il nov film dal univers da Harry Potter. Keystone

Il 2011 è l'ultim film da Harry Potter vegnì èn ils kinos. Tschintg onns pli tard datti pia il proxim film ord quest mund da magia e striegn.

Il script da l'istorgia cun animals fantastics deriva da Joanne K. Rowling, la scriptura dals cudeschs da Harry Potter. Reschissur è David Yates, ch'ha gia manà reschia dals ultims quatter films da Harry Potter.

Gia uss è enconuschent ch'i vegn en tut a dar tschintg films da «Phantastische Tierwesen und wo sie zu finden sind».

Autur/a: RTR/gcc