Il parlament europeic

Ils 23 fin ils 26 da matg elegia il pievel da l'Uniun europeica danovamain ils deputads en il parlament europeic. Tge è atgnamain il parlament europeic e tgè fa quel insumma?

Legenda da maletgs: Keystone

Mintga 5 onns vegnan elegids ils deputads che politiseschan davart temas impurtants per ils pajais da l'Uniun europeica. Il parlament sa fatschenta cun dumondas che van sur ils cunfins dals pajais e da l'uniun ora. Quai pon per exempel esser la protecziun da l'ambient, la migraziun ubain contracts da commerzi.

In'uniun da blers pajais dovra in grond parlament

Il parlament europeic sa cumpona il mument anc da 751 deputads da tut ils pajais da l'UE. Quai po dentant sa midar, sche la Gronda Britannia banduna l'UE. Lura vulan ins reducir il dumber da mandats.

Autur/a: Lukas Quinter