Il punct verd

Quest punct chattan ins sin blers pachetadis. Tge munta quest punct atgnamain che sumeglia ad in simbol da reciclar?

Legenda da maletgs: SRF.

En la Germania ha quest punct ina gronda impurtanza. Ils Tudestgs san: Sch'il pachetadi ha si in punct verd, lura han ins da metter quel en la «Gelbe Tonne». Uschia in butschin mellen n'enconuschan ins dentant betg en Svizra. Quai vul dir, ch'ils Svizzers e las Svizras pon dismetter pachetadis cun quest simbol en il rument normal.

Ils Tudestgs n'èn betg pli «verds»

Ils pachetadis che portan quest simbol, n'èn però betg adina cumplettamain reciclabels. Las cifras mussan: Enturn la mesadad dal rument en il butschin mellen sa tschenta la fin finala tuttina en l'implant per arder rument.

La Svizra persequitescha in'autra filosofia. Numnadamain vegn tar nus rimnà pli selectiv. Tranter auter rimnain nus PET, vaider, aluminium sco era battarias ed apparats electrics.

Autur/a: Lukas Quinter