Il scamond da ir cun chalzers da skis

Ad Ischgl èsi davent da damaun scumandà dad ir la saira tras la zona da peduns schibain cun chalzers da skis sco er insumma cun equipament, vul dir: cun skis, bastuns da skis ubain snowboards.

Davend la sera da las otg èsi da scumiar chalzers ad Ischgl.
Legenda da maletgs: Davend la sera da las otg èsi da scumiar chalzers ad Ischgl. keystone

Il scamond vala davent da la saira da las 20:00 uras enfin la damaun da las 06:00 uras. Ed el vala davent da damaun enfin dumengia, ils 5 da matg. Tgi che na sa tegn betg vi da lordinaziun sto pajar in chasti da enfin 2000 euros, en il cass normal dentant be 25 euros. Sco il burgamester da Ischgl Werner Kurz ha ditg envers lORF, saja lordinaziun fatga per lina, perquai che quai saja fitg privlus da ir cun chalzers sin asfalt e perquai che quai haja er dà repetidamain blessuras cun skis che vegnan purtads sin las spatlas. Ultra da quai fetgian chalzers da skis massa canera e disturbian ils hosps.
Ina excepziun dat quai dentant: enfin 10 meters èsi lubì dad ir cun ils chalzers da skis. Sche laprès-ski cuzza pia tuttina pli ditg, pon ins clamar in taxi ed ir tochen tar quel cun chalzers da skis.

Autur/a: RTR/sb