Il stemprà Florence s'avischina

Millis persunas en il sidost dals Stadis Unids da l'America han bandunà lur chasas pervi dal stemprà «Florence». Per 1,7 milliuns persunas han las autoritads ordinà u recumandà ina evacuaziun.

Il stemprà Florence s'avischina cun ferms vents
Legenda da maletgs: Il stemprà Florence s'avischina cun ferms vents Keystone

Entant ha il center da hurricans american graduà «Florence» sin stgalim 2 dad ina scala da 5. Tuttina averteschan las autoritads che Florence saja il stemprà il pli ferm a la costa da l'ost dapi blers onns ed in privel mortal. El vegn a fruntar il venderdi sin terra franca, quai probabel cun spertadads da vent da fin a 175 kilometers l'ura.

Autur/a: Ladina Schena