Il telefon da Philipp Reis

Per il solit vegn Alexander Graham Bell numnà sco inventader dal telefon. Dentant: Il telefon è ina invenziun da pliras persunas, da differents pajais e ch'ha cuzzà passa 76 onns. Tar questas persunas tutga er il Tudestg Philipp Reis.

In dals emprims telefons, patentà da Alexander Graham Bell.
Legenda da maletgs: In dals emprims telefons, patentà da Alexander Graham Bell. keystone

Fatg liber la via per il telefon ha l'invenziun dal transfer electric, dal telegraf e da l'apparat da Morse. Lura è vegnì latiers ina invenziun dad Antonio Meucci, in apparat electric che saveva transmetter la vusch d'in uman sin distanza dad in mez kilometer. Alexander Graham Bell ha lura guardà las notizias da Meucci e laschà patentar l'apparat. Philipp Reis è lura stà quel ch'ha inventà in corn da lenn cun ina pel che ha lura tremblà ed interrut impuls electrics. Quai apparat ha pia pudì transmetter undas acusticas sur ina lunga distanza – el ha numnà ses apparat «telefon».