Inemuri

Il cusseglier federal Johann Schneider-Ammann è en la critica quels dis pervi da ses cupids. Forsa pratitgeschia el er la moda giapunaisa «inemuri» per vegnir a novas forzas, hai gì num en diversas gasettas.

Inemuri, il cupid per nov'energia tar umens da fatschenta en il Giapun
Legenda da maletgs: Inemuri, il cupid per nov'energia tar umens da fatschenta en il Giapun. KEYSTONE

«I» munta esser preschent, e «nemuri» vul dir sien en il linguatg giapunais. Durant l'inemuri èn ils egls serrads. La persuna che para da durmir è tuttina conscienta da tut quai che succeda en il conturn. Inemuri ha tradiziun e status en il Giapun. En las metros fullanadas u en ils trens tut che pratitgescha inemuri. Il pitschen cupid per vegnir a nov'energia è er acceptà durant sesidas en l'economia, durant debattas politicas u en scolas.

Autur/a: Marionna Lombriser