Investigaziuns davart la punt Morandi

Avant 4 mais è la punt Morandi sballunada, 43 persunas èn mortas. La politica vuless gugent cumenzar cun la demoliziun e la reconstrucziun da la punt Morandi, il lieu da disgrazia è dentant anc adina serrà per pudair collectar il material da cumprova. Era la Svizra è involvida en las investigaziuns.

Bernhard Elsener, professur a l'ETH da Turitg ha scrit in parairi davart la sballunada da la punt. Dapi 25 onns è el expert davart la durabladad e la corrusiun da betun armà. El e collegas da l'institut federal da controlla da material e perscrutaziun han tschertgà la ruina en ils tocs ch'èn sballunads da la punt ed en las parts da la punt ch'èn anc intactas. Il rapport da 170 paginas è vegni tramess a la giustia en l'Italia.

Autur/a: Angela Hendry