Jacob Zuma

Il president da l'Africa dal Sid Jacob Zuma ha desditg ses post. Quai sin squitsch da sia partida. El è stà president dal stadi african dapi l'onn 2009. Zuma è adina puspè stà en la critica pervi dad affars dubius e corrupziun.

Legenda da maletgs: Reuters

En ils onns 60 era Jacob Zuma en la praschun, perquai ch'el aveva s'engaschà encunter il rassissem. Là ha el fatg amicizias cun auters adversaris da l'apartheid, per exempel Nelson Mandela. Cun els ha el mess en chomma la partida ANC. En ils onns 80 èn els vegnids a la pussanza: Mandela è vegnì president, Zuma sez è vegnì minister.

Dal 2009 è Zuma lura vegnì elegì sco president. Tenor la NZZ saja el il president, ch'ha fatg il pli grond donn en l'istorgia dal pajais: Ina quota da dischoccupads da fin 40%, paucas e fitg schlettas scolas ed adina puspè pannas da la forza electrica. Tut quai sto il proxim president metter en urden.

Autur/a: Flurin Clalüna