Jamie Oliver

Il cuschinier renumà Jamie Oliver è stà sin visita ad Andeer tar il campiun mundial da chaschiel Martin Bienerth. Oliver è renumà per ses recepts simpels da products frestgs.

Il cuschinier Jamie Oliver è renumà per sias spaisas simplas.
Legenda da maletgs: Il cuschinier Jamie Oliver è renumà per sias spaisas simplas. Reuters

Ed er per ses engaschi sozial è Jamie Oliver renumà. El ha per exempel avert l'onn 2002 in restaurant a Londra nua ch'el ha dà lavur a dischoccupads ubain a giuvenils cun dischavantatgs socials. In auter exempel per ses engaschi sozial è la campagna «Feed me better» cunter nutriment industrial. El ha cuschinà en cantinas da scola e pretendì meglier nutriment per scolars. Quai è lura per part er grategià: L'anteriur primminister Toni Blair ha sinaquai bandischà ils «Turkey Twizzlers» or da las scolas.

Autur/a: RTR/sb