Jasmin Staiblin

Dapi onns hai num ch'i dat memia paucas dunnas en posiziuns da schef. Ina da las paucas dunnas che maina ina firma gronda en Svizra è Jasmin Staiblin, la directura dal concern d'electricitad Alpiq.

Purtret da Jasmin Staiblin.
Legenda da maletgs: Jasmin Staiblin - CEO dad Alpiq. KEYSTONE

La Svizra è cun la preschientscha da dunnas en posiziuns da cader be sin plaz 56. Da las 207 firmas svizras cun aczias a la bursa èn be 6 dunnas en la posiziun sco presidenta dal cussegl d'administaziun e be 7 en la posiziun da CEO. Ina da las paucas dunnas è Jasmin Staiblin.

Jasmin Staiblin è quella dunna che ha laschà muventar il bajetg da la ABB a Turitg Örlikon per 60 meters avant ils egls da tut il mund e cun quella quasi simbolic ha ella mussà ch'ella sa er muventar auter. Jasmin Staiblin ha 45 onns e dapi l'atun 2013 è ella la scheffa dal concern d'electricitad Alpiq.

Jamsin Staiblin ha fatg ina carriera fitg rasanta. ella è stada assistenta Scienza tar la ABB, lura scheffa svizra da l'anteriura Brown Boveri e silsuenter è ella lura vegnida tar Alpiq. Sper la carriera ha ella dentant era anc temp per ina vita privata: ella è maridada è mamma d'in mattet da 5 onns.

Autur/a: RTR/cl