Jay-Z

Jay-Z è l'emprim rappunz milliardari. Il magazin Forbes ha calculà sia facultad ord las entradas da musica ed ord sias participaziuns a firmas da spirituosas u interpresas sco Uber.

Jay-Z ha gudagnà 22 grammys
Legenda da maletgs: Jay-Z ha gudagnà 22 grammys. KEYSTONE

Il giuven dealer da drogas en il quartier da Brooklyn a New York è daventà rappunz, ha investì ses gudogns e fatg ina marca or da sasez. Uss è Jay-Z milliardari en la vegliadetgna da 49 onns. Jay-Z posseda sper sias firmas e participaziuns er ina collecziun d'art ed ensemen cun sia dunna, il superstar Beyoncé, er pliras immobiglias.

Autur/a: Marionna Lombriser