Joe Breeze

Il mountainbike è in'invenziun americana. Il prim mountainbike uffizial ha Joe Breeze inventà l'onn 1977. La nova invenziun è stada da metter in bischen supplementar davent dal guvernagl enfin tar l'ischigl davostiers. Uschia era il velo pli stabil.

Legenda da maletgs: Keystone

Joe Breeze sa participava a cursas da velo sin via. Dentant l'inspiraziun da crear mountainbikes ha el survegnì cun viagiar da giuven tras l'Europa. A Milaun ha el entupà Cino Cinelli, in um renumà che creava velos. Ed a l'Ollanda era el surstà che tuts gievan cun velo. Quels che gievan a lavurar, dentant era las famiglias. Questa cultura da velo ha Breeze vulì purtar en l'America.

Autur/a: Angela Hendry