Katowice

A Katowice en Pologna salva l'ONU sia 24avla conferenza dal clima fin ils 13 da december 2018.

Katowice pitescha da smog entras la polluziun da l'aria
Legenda da maletgs: Katowice pitescha da smog entras la polluziun da l'aria. KEYSTONE

Katowice sa chatta en il sidvest da la Pologna. La citad è il center d'ina gronda metropola industriala. La regiun ritga da resursas mineralas è creschida suenter la segunda guerra mundiala ad in conglomerat industrial cun sias minas da cotgla e l'industria d'atschal. Dentant èn bleras minas serradas, l'industria greva ha pers sia gronda impurtanza. En la regiun sa sviluppescha l'industria d'electro, d'infurmaziun e servetschs.

Katowice, la citad da la Silesia (Schlesien), è stada en possess da divers imperis tudestgs. La gronda part da la populaziun tudestga è fugida vers vest durant la segunda guerra mundiala. Oz viva ina minoritad tudestga en la regiun da Katowice en Pologna.

Autur/a: Marionna Lombriser