Kurt Aeschbacher vegn 70

In dals pli enconuschents moderaturs da la televisiun svizra ha num Kurt Aeschbacher. Dapi il 2001 ha el l'emissiun da talk «Aeschbacher».

Legenda da maletgs: Keystone

Avant che vegnir tar la televisiun ha Kurt Aeschbacher fatg sco emprim in studi d'economia a l'universitad da Berna. Suenter ha el lavurà en in biro d'architectura. Dapi il 1981 è el uss tar la televisiun svizra. Sper la lavur sco moderatur maina el la bar «labro bar» e dapi il 2012 ha el surpiglà il magazin «50plus».

En ses temp liber è el gugent en la Frantscha dal sid. Là ha el er ina chasa da crap nua ch'el ha massa zerclim da zerclar. 

Autur/a: Natalia Murtas