L'emprim campiunadi europeic da ballape - 1960 en Frantscha

Sco il campiunadi europeic dal 2016 ha er gia l'emprim campiunadi gì lieu en Frantscha. I ha dentant duvrà pliras emprovas per ch'il turnier gartegia.

L'equipa sovietica suenter la victoria cunter la Jugoslavia
Legenda da maletgs: L'equipa sovietica suenter la victoria cunter la Jugoslavia Keystone

Suenter discussiuns controversas aveva l'UEFA lura decidì l'onn 1957 da far il turnier cun 16 equipas. L'UEFA ha dentant stuì prolungar il termin d'annunzia per cuntanscher il dumber necessari d'equipas participantas.
17 equipas èn la finala sa participadas. 13 èn crudadas ora en ils gieus da qualificaziun fin e cun il quart final. Ils quatter gieus dal mezfinal èn lura vegnids giugads a Paris ed a Marseille.

La UEFA tschernì la Frantscha sco pussaivla terra ospitanta. Per survegnir definitivamain il turnier en l'agen pajais ha la Frantscha stuì cuntascher il mezfinal - quai era la regla avant 56 onns. Oz è la terra ospitanta automaticamain qualifitgada.

Emprim campiun europeic è l'Uniun sovietica daventada. Quai cun ina victoria da 2:1 cunter la Jugoslavia.

Autur/a: RTR/ggf