L'equipa da ballape naziunala ungaraisa

Ozendi na tutga l'Ungaria betg tar ils gronds stadis da ballape. Suenter la Segunda Guerra mundiala era quai dentant anc auter. L'equipa dad aur da l'Ungaria dals onns 50 vala anc oz sco ina da las meglras naziunalas da tut il temp.

Ils temps da gronds success èn gia daditg passà tar l’equipa naziunala da l’Ungaria.
Legenda da maletgs: Ils temps da gronds success èn gia daditg passà tar l’equipa naziunala da l’Ungaria. Keystone

Il punct culminant è stà il final il 1954 al campiunadi mundial en Svizra. Là ha l'Ungaria pers encunter la Germania, malgrà ch'els eran ils gronds favurits.

Ozendi po l'Ungaria dentant mo siemiar da cuntanscher in final ad in grond turnier. Il 1986 è stà la davosa giada ch'i èn sa qualifitgads per in campiunadi mundial.

Autur/a: Gian Carlo Candinas